Áslandsskóli styrkir Mæðrastyrksnefnd Hafnarfjarðar
Undanfarin tólf ár hefur skólasamfélagið í Áslandsskóla styrkt Mæðrastyrksnefnd Hafnarfjarðar með framlögum fyrir jólin. Fulltrúar nefndarinnar komu á jólaskemmtun í Áslandsskóla, fimmtudaginn 20. desember, og tóku við framlagi úr hendi Leifs S. Garðarssonar skólastjóra. Í ár söfnuðust 223.423.- krónur.
Á ellefu árum hefur skólasamfélagið í Áslandi því styrkt Mæðrastyrksnefnd um alls 2.885.407.- krónur. Þessi hugsun okkar til þeirra sem minna mega sín tengist einni af fjórum hornstoðum skólans, þjónustu við samfélagið.
Gaman er að sjá að fleiri skólar í Hafnarfirði hafa fylgt fordæmi okkar og styrkja nú Mæðrastyrksnefnd í stað pakkaleikja.
- Eldri færsla
- Nýrri færsla