Fullveldisdagurinn 1. desember
Á morgun er fullveldisdagurinn 1. desember og fyrirhugaður ratleikur hér hjá okkur í Áslandsskóla.
Skipulagður hefur verið ratleikur hér í nærumhverfinu fyrir yngri nemendur en fyrir þá eldri í miðbænum.
Veðurútlit er ekkert sérstaklega spennandi en samkvæmt spá ætti veður að versna uppúr hádeginu. Því er ljóst að við tökum stöðuna strax í fyrramálið hvað ratleikinn varðar, en undirbúningur kennara fyrir hann hefst kl. 07.00 í fyrramálið.
Skóladagurinn á morgun er sveigjanlegur eins og komið hefur fram í bréfum frá skólanum og dagskráin því búin eftir hádegisverð, pylsuveisla . Skólinn verður engu að síður opinn og gott er fyrir foreldra að brýna fyrir börnum sínum að rjúka ekki úr skólanum ef veður verður orðið vont, í það minnsta að láta vita af sér.
Þá er einnig bent á viðbragðsáætlun sveitarfélaganna á höfuðborgarsvæðinu: http://www.aslandsskoli.is/media/oryggismal/Ovedur-til-foreldra-utg-1.pdf
- Eldri færsla
- Nýrri færsla