Foreldrarölt - fyrirbyggjandi og jákvætt aðhaldsverkefni
Í nýrri tölfræði frá lögreglunni um afbrot í Hafnarfirði má sjá að afbrotum fækkar umtalsvert í Hafnarfirði (http://www.logreglan.is/upload/files/Hafnarfj%F6r%F0ur%283%29.pdf). Lögreglan þakkar það ekki eingöngu sjálfum sér heldur aukinni virkni íbúa í Hafnarfirði.
{nl}Foreldrarölt er ein af bestu leiðunum til að tryggja öryggi í hverfinu okkar auk þess að hafa jákvæð áhrif á uppeldislegt umhverfi barna okkar.
{nl}{nl}
Rannsóknir sýna að börn sem fá stuðning og aðhald frá foreldrum sínum vegnar betur í lífinu, ná frekar námsárangri og neyta síður vímuefna en börn foreldra sem sinna þeim lítið. Þátttaka í foreldrarölti er góð leið til að foreldrar hitti aðra forelda, tryggi að útivistarreglur séu virtar og til að láta bæjaryfirvöld eða lögreglu vita af afbrotum og því sem miður fer í hverfinu.
{nl}{nl}
Félagsmiðstöðin Ásinn, skólstjórnendur Áslandsskóla og æskulýðsfulltrúi Hafnarfjarðar leggja mikla áherslu á að starf í félagsmiðstöðinni sé fyrirbyggjandi og jákvætt fyrir unga fólkið en hvetja foreldrana til að standa saman að því að tryggja að hverfið og umhverfi barnanna sé í lagi. Þátttaka í foreldrarölti er góð leið til þess. Þess vegna hvetjum við foreldra til að taka jákvætt í það þegar að kemur að þeirra bekk að rölta.
{nl}{nl}
Starfsfólk félagsmiðstöðvarinar tekur á móti ykkur og býður uppá kaffi áður en lagt er af stað.
{nl}{nl}
Axel Guðmundsson, Verkefnastjóri í Ásnum
{nl}Geir Bjarnason, Æskulýðs- og forvarnafulltrúi
{nl}Leifur S. Garðarsson, Skólastjóri Áslandsskóla
- Eldri færsla
- Nýrri færsla