Af húsnæðismálum Áslandsskóla - úr skólaslitaræðu skólastjóra
Áslandsskóli er ört stækkandi samfélag og ljóst að húsakostur er orðinn of lítill. Skólastjórnendur og í raun skólasamfélagið allt hafa þrýst á að byggður verði íþróttasalur með fjórum kennslustofum til að ná betur utan um starfið.
Viðræður hafa staðið yfir milli Hafnarfjarðarbæjar og FM húsa sem eru lóðar- og húseigendur Áslandsskóla. Eins og staðan er nú þykir líklegt að þrjár færanlegar kennslustofur verði settar upp á skólalóðinni á haustdögum, líklega næst það þó ekki fyrr en skólastarfið verður þegar hafið. Enn fremur fékk ég upplýsingar um það á fundi með æðstu ráðamönnum sveitarfélagsins í gær að viðræður við FM hús héldu áfram með það að markmiði að eining með íþróttasal og fjórum kennslustofum verði reist á lóð skólans eins fljótt og kostur er.
- Eldri færsla
- Nýrri færsla