Skólahald í Áslandsskóla í framtíðinni

Kæru  foreldrar

Geysilega mikilvægt er að foreldrar nemenda í Áslandsskóla, bæði nú og í framtíð, mæti til neðangreinds Gaflarakaffis í Lækjarskóla á laugardag.  Skólayfirvöld Áslandsskóla í samstarfi við Foreldrafélag Áslandsskóla hafa í mörg undanfarin ár bent á þann hagkvæma kost að byggja íþróttahús við Áslandsskóla með innbyggðum kennslustofum.

Á þessu Gaflarakaffi er verið að ræða framtíð skólahalds í hverfinu okkar og á því eigum við að hafa skoðun.  Hægt verður t.d. að leggja fram skoðanir á prenti þó þær tengist ekki málstofunum beint heldur almennt skólahaldi hér í Áslandi.  Verum vel undirbúin og látum í okkur heyra.

Ég hvet alla eindregið til að mæta og láta til sín taka.  Höfum skoðanir á framtíðinni.

Leifur S. Garðarsson, skólastjóri Áslandsskóla

Laugardaginn 24. mars er boðað til Gaflarakaffis um skólaskipan í Hafnarfirði í Lækjarskóla kl. 11-13.

Auglýsingu um málþingið er að finna í viðhengi póstsins.

Tilefni málþingsins er sérstaklega að ræða þrjú mál í skólaumhverfinu í Hafnarfirði:

1.       Hvort unglingaskóli fyrir hverfi í uppbyggingu (Ásland, Vellir) komi frekar til greina en að byggja yngri barna skóla eða útibú við grunnskóla (Áslandsskóli, Hraunvallaskóli) vegna væntanlegrar fjölgunar íbúa í þeim hverfum á næstu árum.

2.       5 ára börn/deildir verði  í húsnæði grunnskóla þar sem það er til staðar (Setbergsskólahverfið nefnt sem raunhæfur möguleiki nú).   Þetta myndi spara leikskólabyggingar, en tryggja verður að gæði skólastarfsins verði ekki minni.

3.       2-9 ára grunnskóli verði til sem skólamöguleiki (t.d. í Engidal) frekar en að reka innan sama húsnæðis bæði leikskóla (Álfaberg) og grunnskóla (Víðistaðaskóli) svo til verði nýtt skólaform í Hafnarfirði.  Kynning frá Mosfellsbæ, en þar er slíkur skóli í rekstri.

Erindi og umræður verða í málstofum til að hlusta á og heyra sjónarmið um æskilega þróun á skólaskipan fyrir árangursríkt skólastarf í Hafnarfirði.

Allir hjartanlega velkomnir meðan húsrúm leyfir.

Magnús Baldursson, sviðsstjóri fræðsluþjónustu í Hafnarfirði.

.