Heimavinna vikuna 26.-3. desember
Heimavinnupakkinn sem fer heim með nemendum föstudaginn 26.nóvember er sá síðasti fyrir jól. Heimalestur er eina heimavinnan eftir 3. desember.
{nl}Heimavinnupakki vikunnar:
ÍSLENSKA:
Heimalestur: Lesa daglega og skrifa í orðabókina a.m.k 3 sinnum í viku 5-10 orð.
Stafsetning: Upplestur verður næstkomandi fimmtudag. Skoða vel textann aftan á heimavinnuáætluninni.
Málrækt: Undirbúa sig undir málræktarkönnun (sjá blað í heimavinnumöppu) sjá hér að neðan
Nafnorð:
Nemendur þurfa að þekkja nafnorð og vita að þau skiptast í sérnöfn og samnöfn.
Sérnöfn: eru nafnorðskrifuð með stórum staf og eru heiti manna, dýra, staða. Sérnöfn bæta sjaldnast við sig greini.
T.d. Einar, Snati, Hafnarfjörður,
Samnöfn: er stór hluti nafnorða, en samnöfn eru sameiginleg heiti á hlutum og fyrirbærum hvort sem þau eru snertanleg eða ekki. Samnöfn má þekkja á því að bæta við sig greini.
T.d. maður, borð, stúlka, stóll osfrv.
Helstu einkenni nafnorða:
1. Þau bæta við sig greini, þ.e.a.s. maður – maðurinn (hjáparorð = minn), kona – konan (hjálparorð = mín) og barn – barnið (hjálparorð = mitt)
T.d. borð – borðið (mitt), köttur – kötturinn (minn) og húfa – húfan (mín)
2. Þau flokkast eftir kynjum, þ.e.a.s. maður = karlkyn (hjálparorð = hann/þeir), kisa = kvenkyn (hjálparorð = hún/þær) og teppi = hvorugkyn (hjálparorð = það/þau)
T.d. (það) borðið = hvorugkyn, (hann) skápurinn =karlkyn og
(hún) úlpan = kvenkyn.
3. Þau fallbeygjast.
T.d. nefnifall(nf.) hér er hundur
þolfall (þf.) um hund
þágufall (þgf.) frá hundi
eignarfall (ef.) til hunds
4. Þau standa í eintölu (et.) og fleirtölu (ft.)
T.d. maður –menn, kona – konur og barn – börn
Einnig komum við til með að skoða samheiti (orð sem hafa sömu merkingu t.d. svanur –álft, fákur – hestur osfrv. Andheit (orð sem hafa andstæða merkingu t.d. nótt – dagur, heitt –kalt osfrv.
- Eldri færsla
- Nýrri færsla