Grunnskólahátíð
{nl}Fimmtudaginn 5. mars verður Grunnskólahátíð ÍTH haldin í Íþróttahúsinu við Strandgötu í Hafnarfirði. Grunnskólahátíð er vímulaus skemmtun unglinga í Hafnarfirði sem þeir sjálfir búa til og móta í samstarfi við starfsfólk ÍTH og skólanna.
Hátíðin er tvískipt. Haldin er sýning þar sem unglingarnir koma fram og sýna leikrit og skemmtiatriði í íþróttahúsinu Víðistaðaskóla. Þá er haldið risaball um kvöldið þar sem landsfrægir skemmtikraftar stíga á stokk.
· Leiksýningar og skemmtiatriði kl. 13 og 15 í íþróttahúsi Víðistaðaskóla.
· Dansleikur unglinganna verður um kvöldið og opnar húsið kl. 19.30. Sign, Buff og Kicks munu halda uppi fjörinu.
Aðgangseyrir kr. 2000 og fer miðasala fram í Ásnum þann 4. mars.
Rútur verða frá Áslandsskóla kl.19.00
Athygli skal vakin á því að frí er í skólanum í unglingadeild frá hádegi fimmtudaginn 5. mars og frí er í fyrstu þremur tímum á föstudeginum 6. mars.
Áslandsskóli er með söng- og dansatriði úr söngleikjavali unglingadeildar undir stjórn Díönu Ívarsdóttur.
Foreldrar og forráðamenn eru sérstaklega hvattir til að koma á seinni sýninguna kl. 15.00 og kynna sér það frábæra starf sem unglingar í Hafnarfirði eru að vinna.
- Eldri færsla
- Nýrri færsla