My World verkefni í Sevilla
Þessa dagana eru Jenný B. Rúnarsdóttir enskukennari, Úlfar Daníelsson tölvukennari og Leifur S. Garðarsson skólastjóri í Sevilla á Spáni á verkefnafundi vegna Comeniusarverkefnis skólans.
{nl}Þátttakendur auk Áslandsskóla eru skólar frá Sevilla á Spáni, Budapest í Ungverjalandi og Longworth og Appelton á Englandi.
{nl}Í dag var mikil hátíð í skólanum í Sevilla og sýndi okkar fólk m.a. hluta verkefna nemenda skólans og vöktu þau mikla athygli. Dagskráin var frá 8.30 - 16.30 og var ekki laust við að okkar fólk horfði girndaraugum út um gluggann, því fyrir utan skein sólin og hitastigið 19 gráður.
{nl}Íslendingum var mikill áhugi sýndur og þurfti fólk að halda stutta tölu um -dóttir og -son, hitastig á Íslandi, íbúafjölda og fleira.
{nl}Spánverjar sýndu dans og leystu okkar fólk út með gjöfum, til að mynda olivuolíu, olivum sem ræktaðar eru í næsta nágrenni og fleiru skemmtilegu.
{nl}Ferðalangar skila bestu kveðjum heim - en á morgun verður farið í skoðunarferðir um Sevilla og næsta nágrenni.
- Eldri færsla
- Nýrri færsla