Frábær frammistaða í skólahreysti
Keppendur Áslandsskóla stóðu sig frábærlega í keppni í Skólahreysti í íþróttahúsinu við Austurberg í gær. Áslandsskóli hafnaði í fjórða sæti í mjög sterkum riðli en stigafjöldi skólans hefði dugað til sigurs í fjórum öðrum riðlum sem búnir eru í ár.
Keppendur okkar, þau Óliver Þór Davíðsson(upphýfingar og dýfur), Silja Rós Pétursdóttir(armbeygjur og fitnessgreip), Árni Kári Hafliðason(hraðabraut), og Kolbrún Sara Magnúsdóttir(hraðabraut) stóðu sig einstaklega vel í keppninni.
Fjöldi nemenda Áslandsskóla mætti til að hvetja sitt lið og voru nemendur klæddir í bláa boli sem nokkrar stúlkur úr 9. bekk höfðu fjármagnað að eigin frumkvæði. Stórbrotið framtak það.
Helga Huld Sigtryggsdóttir kennari hafði yfirumsjón með nemendum við æfingar og keppni í ár og gerði það framúrskarandi vel.
Röð fimm efstu skólanna í gær var þessi:
Heiðarskóli 81 stig
Holtaskóli 69 stig
Setbergsskóli 63,5 stig
Áslandsskóli 59 stig
Myllubakkaskóli 58 stig
Til hamingju krakkar – frábært hjá ykkur
- Eldri færsla
- Nýrri færsla