Sigur í Stóru Upplestrarkeppninni
Hanna Lind Sigurjónsdóttir nemandi í Álfaheimum sigraði í Stóru Upplestrarkeppninni á lokahátíð í Hafnarborg í gær.
{nl}Alls tóku 18 nemendur úr öllum grunnskólum Hafnarfjarðar og Álftanesskóla þátt í lokahátíðinni og voru Hanna Lind og Silja Rós Pétursdóttur sem einnig er í Álfaheimum, fulltrúar Áslandsskóla.
{nl}Stúlkurnar stóðu sig báðar frábærlega vel og voru skólanum til mikils sóma. Lásu þær texta sinn og ljóð fumlaust, skýrt og einstaklega tært og fallega.
{nl}Þegar dómarar höfðu ráðið ráðum sínum kom síðan í ljós að Hanna Lind stóð uppi sem sigurvegari. Þetta er í annað sinn sem Áslandsskóli á sigurvegara í keppninni en Ásta Margrét Eiríksdóttir sigraði í keppninni fyrir fjórum árum síðan.
{nl}
- Eldri færsla
- Nýrri færsla