SAFT UNGMENNARÁÐ
SAFT UNGMENNARÁÐ
Hvað er ungmennaráð?
· Ungmennaráðið samanstendur af krökkum á aldrinum 12-18 ára sem koma alls staðar að af landinu.
· Ráðið mun aðstoða við uppfærslu á heimasíðu SAFT, Facebook og Myspace síðum verkefnisins. Ráðið mun einnig vinna hugmyndir um hvernig eigi að kenna ánægjulega og örugga netnotkun í skólum landsins, koma að hönnun kennsluefnis, er ráðgefandi um hönnun og framkvæmd herferða, sinnir jafningjafræðslu og halda erindi á foreldrafundum.
· Allir sem eru í ráðinu hafa áhuga á netinu og öllum þeim möguleikum sem það hefur upp á að bjóða og geta unnið með öðrum í því að gera netið að öruggari stað fyrir okkur öll. Það þýðir samt ekki að þú þurfir að kunna allt sem viðkemur tölvum – þú þarft bara að hafa skoðun á málinu!
Hvernig vinnur ungmennaráðið?
· Ungmennaráðið hittist einu sinni á ári þar sem við skoðum nýjustu tækni, ræðum málin og borðum góðan mat. Ef þú verður valin/nn þá mun SAFT greiða ferðakostnað og gistingu fyrir þig og foreldri eða forráðamann á fundarstað og einnig allt það skemmtilega sem við munum gera á meðan á fundinum stendur. Ráðið mun einnig halda fjarfundi fjórum sinnum á ári, þá með aðstoð tölvutækninnar.
Hvernig sæki ég um?
· Þú þarft að fylla út eyðublað sem má finna undir Ungmennaráð á www.saft.is og senda til okkar á saft@saft.is. Við förum í gegnum umsóknina þína og sendum þér svar um hæl. Við reynum að móta ungmennaráð sem gefur góða mynd af samsetningu ungmenna á Íslandi og því er ekki sjálfgefið að allir sem hafa áhuga geti orðið fyrir valinu.
Ef þú verður valin?
· Ef þú verður valin/nn þá munum við senda þér tölvupóst með upplýsingum um ráðið og hvenær næsti fundur verður haldinn. Passaðu að skrifa netfangið þitt rétt á umsóknina!
P.S. Í tilefni af stofnun ungmennaráðs efnir SAFT til samkeppni um logo ungmennaráðs. Hugmyndum má skila inn rafrænt á saft@saft.is fyrir 22. maí. Úrslit verða tilkynnt 29. maí.
Þetta er svo auðvelt!
- Eldri færsla
- Nýrri færsla