Íþróttir og sund
Íþróttir og sund
Reglur um notkun á sundfatnaði í Áslandsskóla
Stúlkur eiga að mæta í sundbol og drengir eiga að mæta í sundskýlu eða sundstuttbuxum. Ekki er leyfilegt að mæta í bikiní eða strandsundbuxum.
Skólabíll
Nemendum er ekið í leikfimi og sund. Brýna þarf fyrir nemendum að fylgja settum reglum, sjá reglutöflu SMT. Reglur skulu kynntar og kenndar í upphafi hvers skólaárs.
1.-4. bekkur
Ef nemandi missir af skólabíl í sund skal hann tilkynna sig á skrifstofuna.
5.-10. bekkur
Ef nemandi missir af skólabíl í sund skal hann koma sér sjálfur í sundtímann. Sundkennarinn skráir seinkomuna.
Sund
Ef nemandi kemur með miða, þ.e. forráðamaður sækir um leyfi í sundtíma skal umsjónarkennari athuga hvort mögulegt sé að hann geti dvalið á bókasafni yfir sundtímann. Umsjónarkennari lætur skólaritara vita vegna skráningar í Mentor.
1.-4. bekkur
Ef nemandi gleymir sundfötum skal umsjónarkennari athuga hvort mögulegt sé að hann geti dvalið á bókasafni yfir sundtímann. Umsjónarkennari lætur síðan skólaritara vita að nemandi er ekki með sundföt og hann skráir í Mentor.
5.-7. bekkur
Ef nemandi gleymir sundfötum, fær nemandi fjarvist. Nemandi tilkynnir sig á skrifstofu. Umsjónarkennari lætur síðan skólaritara vita að nemandi er ekki með sundföt og hann skráir í Mentor.
8.-10. bekkur:
Ef nemandi gleymir sundfötum, fær nemandi fjarvist. Nemandi tilkynnir sig á skrifstofu. Sundkennari skráir fjarvist.
Íþróttir
1.-10. bekkur
Ef nemandi gleymir íþróttafötum skal hann fara með skólabíl í íþróttatíma og horfa á. Íþróttakennari skráir að íþróttaföt vantar.
7.-10. bekkur
Ef þetta gerist ítrekað færir íþróttakennari fjarvist á nemandann.
1.-4. bekkur
Ef nemandi missir af skólabíl í íþróttir skal hann tilkynna sig á skrifstofu. Umsjónarkennari lætur síðan skólaritara vita og hann skráir í Mentor.
5.-10. bekkur
Ef nemandi missir af skólabíl í íþróttir skal hann koma sér sjálfur í íþróttir. Íþróttakennari skráir seinkomuna.
Ef nemandi kemur með miða, þ.e. forráðamaður sækir um leyfi í íþróttatíma skal nemandi fara með skólabíl og horfa á íþróttatíma.
- Eldri færsla
- Nýrri færsla