Farartæki
Í Áslandsskóla eru sérstakar reglur er varða notkun reiðhjóla. Þær getur þú fundið hér
Af vespum
Nokkrir nemendur eiga skellinöðrur og koma á þeim í skólann, fleiri nemendur eiga minni vélhjól og rafvespur.
Eigendur hjólanna fylgja í langflestum tilfellum lögum og reglu og gæta varúðar. Vandamál koma upp þegar nemendur fara óvarlega og/eða tækin eru lánuð öðrum nemendum sem kunna lítið á þau, eru hjálmlausir og fara ekki nógu varlega.
- Algerlega óheimilt er að koma í skólann á ofangreindum farartækjum án þess að nota hjálm eins og lög gera ráð fyrir.
- Algerlega óheimilt er að nota þessi farartæki á skólalóðinni, af því getur skapast hætta og slys orðið.
- Það er stranglega bannað að fara á þessum farartækum í íþrótta– og sundtíma. Til þess notum við skólabíl.
· Nemendur sem koma á þessum tækjum í skólann eiga að leggja þeim í stæði í ysta hólfi bílastæðis, við strætóskýlið. Ekki í stæðin nær skólanum í sama hólfi.
Það er því miður ekki að ástæðulausu sem við hér í Áslandsskóla höfum haft vaxandi áhyggjur af vélhjólaumferðinni og það er von okkar að með samstilltu átaki skólans og heimila getum við haldið þessum málum í öruggum og góðum farvegi.
Rétt er að ítreka að langflestir nemenda standa sig mjög vel í öllu því sem snýr að þessum farartækjum og ber að hrósa þeim fyrir það.
- Eldri færsla
- Nýrri færsla