Skólaráð Áslandsskóla
Við grunnskóla skal starfa skólaráð sem er samráðsvettvangur skólastjóra og skólasamfélags um skólahald. Skólaráð tekur þátt í stefnumörkun fyrir skólann og mótun sérkenna hans. Skólaráð fjallar um skólanámskrá skólans, árlega starfsáætlun, rekstraráætlun og aðrar áætlanir um skólastarfið. Skólaráð skal fá til umsagnar áætlanir um fyrirhugaðar meiri háttar breytingar á skólahaldi og starfsemi skóla áður en endanleg ákvörðun um þær er tekin. Skólaráð fylgist almennt með öryggi, aðbúnaði og almennri velferð nemenda. Fræðsluráð, sbr. 6. gr., getur með samþykki sveitarstjórnar falið skólaráðum einstakra skóla ákveðin verkefni þessu til viðbótar.
Skólaráð skal skipað níu einstaklingum til tveggja ára í senn, tveimur fulltrúum kennara ásamt einum fulltrúa annars starfsfólks í viðkomandi skóla, tveimur fulltrúum nemenda og tveimur fulltrúum foreldra, auk skólastjóra sem stýrir starfi skólaráðs og ber ábyrgð á stofnun þess. Skólaráð velur að auki einn fulltrúa grenndarsamfélags til að sitja í ráðinu eða viðbótarfulltrúa úr hópi foreldra. Auk þess skal skólastjóri boða til sameiginlegs fundar skólaráðs og stjórnar nemendafélags að lágmarki einu sinni á ári.
Skólastjóri sendir út fundaáætlun skólaársins. Hann boðar til funda, sendir drög að umræðuefnum og stýrir fundum. Aðstoðarskólastjóri ritar fundargerð og sér til þess að þær birtist á vef skólans.
Skólaráð Áslandsskóla skólaárið 2020-2021 |
|||
---|---|---|---|
Unnur Elfa Guðmundsdóttir | aðstoðarskólastjóri, sem er fundarritari | ||
Jónína Dögg Loftsdóttir | fulltrúi kennara | ||
Þórdís Lilja Þórsdóttir | fulltrúi kennara | ||
Hulda G. Guðlaugsdóttir | fulltrúi annars starfsfólks | ||
Guðrún Heiða Sigurgeirsdóttir | fulltrúi foreldra | ||
Kristín Ólöf Grétarsdóttir | fulltrúi foreldra | ||
Perla Eyfjörð | fulltrúi nemenda | ||
Ísabella Rós Össurardóttir | fulltrúi nemenda | ||
Eva Björk Jónsdóttir | fulltrúi grenndarsamfélags | ||
Fundargerðir |
|||
Fundargerð - 03.03.2021 | Fundargerð - 27.01.2021 | Fundargerð - 08.06.2020 | Fundargerð - 06.03.2020 |
Fundargerð - 24.01.2020 | Fundargerð - 22.11.2019 | Fundargerð - 01.11.2019 | Fundargerð - 03.05.2019 |
Fundargerð - 15.02.2019 | Fundargerð - 25.01.2019 | Fundargerð - 16.11.2018 | Fundargerð - 26.10.2018 |
Fundargerð - 26.04.2018 | Fundargerð - 16.03.2018 | Fundargerð - 18.01.2018 | Fundargerð - 07.12.2017 |
Fundargerð - 21.11.2017 | Fundargerð - 26.05.0217 | Fundargerð - 07.05.2015 | Fundargerð - 20.03.2015 |
Fundargerð - 05.12.2014 | Fundargerð - 20.11.2014 | Fundargerð - 16.10.2014 | Fundargerð - 16.05.2014 |
Fundargerð - 20.03.2014 | Fundargerð - 30.01.2014 | Fundargerð - 29.11.2013 | Fundargerð - 04.10.2013 |
Fundargerð - 08.05.2012 | Fundargerð - 23.02.2012 | ||
Starfsreglur Skólaráðs |
|||
1. grein: Skólastjóri stýrir starfi skólaráðs og ber ábyrgð á stofnun þess. Vinnulag og starfshættir skulu taka mið af stærð skóla og skólagerð. Reglur þessar gilda um starfsemi skólaráðs og samskipti þess við foreldrafélag, fræðsluráð, skólaskrifstofu og landssamtök foreldra. Þær öðlast þegar gildi. Skólastjóri sér um að starfsreglur skólaráðs séu kynntar foreldrum og starfsfólki skólans m.a. með birtingu þeirra í skólanámskrá, starfsmannahandbók og á vefsetri skólans. Skólaráð skal hafa sérstakt svæði á vefsetri skólans til að kynna starfsemi sína. Þar er að finna nöfn fulltrúa í skólaráði ásamt netföngum. Skólastjóri ber ábyrgð á að skólaskrifstofu sé tilkynnt um nöfn, heimilisföng og netföng fulltrúa í skólaráði strax að lokinni kosningu þeirra. Skólastjóri sér um að koma þeim upplýsingum til svæðaráðs foreldra, menntamálaráðuneytis og Heimilis og skóla – landssamtaka foreldra. 2. grein: Skólaráð setur sér starfsáætlun yfir skólaárið. Skólaráð fundar a.m.k. fjórum sinnum á skólaárinu í skólanum á dagvinnutíma. Skólastjóri undirbýr fundi og boðar til þeirra með dagskrá. Skólastjóri boðar ennfremur til sameiginlegs fundar skólaráðs og stjórnar nemendafélags að lágmarki einu sinni á hverju skólaári. Skólaráð skal að lágmarki halda einn opinn fund á ári um málefni skólans fyrir aðila skólasamfélagsins. 3. grein: Skólaráð starfar skv. ákvæðum 8.gr. laga nr. 91/2008 um grunnskóla. Ráðið skal skipað níu einstaklingum til tveggja ára í senn, tveimur fulltrúum kennara, ásamt einum fulltrúa annars starfsfólks, tveimur fulltrúum nemenda, og tveimur fulltrúum foreldra, auk skólastjóra sem stýrir starfi skólaráðs og ber ábyrgð á stofnun þess. Skólaráð velur að auki einn fulltrúa grenndarsamfélags til að sitja í ráðinu eða viðbótarfulltrúa úr hópi foreldra. Staðgengill skólastjóra, aðstoðarskólastjóri, stýrir skólaráði í forföllum skólastjóra. 4. grein: Skólaráð tekur þátt í stefnumörkun fyrir skólann og mótun sérkenna hans. Skólaráð fjallar um skólanámskrá skólans. árlega starfsáætlun, rekstraráætlun og aðrar áætlanir um skólastarfið. Skólaráð skal fá til umsagnar áætlanir um fyrirhugaðar meiriháttar breytingar á skólahaldi og starfsemi skóla áður en endanleg ákvörðun um þær er tekin. Skólaráð fylgist almennt með öryggi, aðbúnaði og almennri velferð nemenda. Fræðsluráð, sbr. 6. gr. laga nr. 9/2008 um grunnskóla, getur með samþykki sveitarstjórnar falið skólaráði ákveðin verkefni þessu til viðbótar. Skólaráð fjallar ekki um málefni einstakra nemenda, foreldra eða starfsfólks skóla. 5. grein: Skólaráð starfar í náinni samvinnu við stjórn foreldrafélag skólans og leitast við að tryggja gagnkvæma miðlun upplýsinga. Fundargerðir hvors aðila skulu vera aðgengilegar á vefsíðu skólans.
|
- Eldri færsla
- Nýrri færsla