Ný setustofa á unglingagangi í boði foreldrafélagsins
Helgina 20-21. nóvember komu fulltrúar Foreldrafélags Áslandsskóla færandi hendi og gáfu nýja "setustofu" á unglingaganginn.
Gefin voru ný húsgögn og veggskreytingar, öll uppsetning og frágangur til fyrirmyndar af hálfu foreldrafélagsins.
Þetta var mjög kærkomin gjöf sem gaf unglingadeildarganginum nýtt útlit. Nemendur höfðu á orði að nú væri gangurinn orðinn notalegur staður til að vera á.
Í framahaldi var rætt um umgengni við nemendur og gott væri að foreldrar myndu leggja okkur lið í þeirri umræðu heima fyrir.
Við þökkum foreldrafélaginu kærlega fyrir þessa góðu gjöf.
