Einn af jólasiðum Áslandsskóla er að sýna í verki þjónustu við samfélagið sem er ein af hornstoðum skólans. Við munum eins og undanfarin ár styrkja Mæðrastyrksnefnd Hafnarfjarðar sem aðstoðar þær fjölskyldur í Hafnarfirði sem þurfa á aðstoð að halda í desember.

Nemendur í 3. Bekk fengu heimsókn í Eldvarnarvikunni sem er árlegt eldvarnaátak Slökkviliðs höfuðborgarsvæðisins og Landssambands slökkviliðs- og sjúkraflutningamanna núna 5. desember. Óhætt er að segja að heimsóknin hafi verið vel lukkuð þar sem nemendur sýndu mikinn áhuga og forvitni á störfum slökkuliðs- og sjúkraflutningamannanna er þeir skoðuðu faratæki þeirra.

Skólastarf var brotið upp fimmtudaginn 30. nóvember en þá skelltu nemendur og starfsfólk sér í föndur- og skreytingar gírinn. Stofur og hurðir voru skreyttar fyrir aðventuna og hugmyndaflugið fékk að sönnu að njóta sín.

Sjáið myndirnar

Okkar árlega verkefni göngum í skólann gekk vel að vanda. Nú í ár voru það 4. bekkir og 7. bekkir sem gengu aðeins lengra en aðrir. Það er gaman frá því að segja að þessir árgangar sigruðu einnig í fyrra.

Smellið á linkinn til að lesa Flórgoðann fréttabréf Áslandskóla: https://issuu.com/florgodinn/docs/fl_rgo_inn_nov2023

Nú er gott veður og mjög gaman að leika sér úti. Mikil erum um nemendur í umferðinni í hverfinu okkar okkar, bæði við leik og á leið til og frá skóla. Því er við hæfi að rifja upp nokkur atriði varðandi umferðaröryggi sem gott er að hafa í huga. Umferðarfræðsla í grunnskólum ber mestan árangur þar sem gott samstarf við heimili nemenda næst. Hlutverk heimilanna í umferðarfræðslu og forvörnum er mikilvægt því þar er mótunin sterkust.

Við hvetjum ykkur til að nýta góða veðrið og ganga eða hjóla í skólann með börnunum ykkar svo fækka megi bílum sem aka að skólanum á morgnana. En þeir sem aka börnum sínum í skólann er bent á akavarlega og virða gangbraut við bílastæði þar sem myrkur, skyggni og lýsing er breytilegt. Að vera börnum sínum góð fyrirmynd í umferðinni er öflugasta fræðslan ásamt því að kenna þeim um lög og reglur sem eru í gildi. Áður en barn fer eitt af stað er mikilvægt að það kunni umferðarreglur, hvernig þau eiga að komast yfir götu (t.d. yfir gangbraut) að þau þekki öruggustu leiðina og að þeim sé í raun treystandi til að hjóla án fylgdarmanns.

Hafnarfjarðarbær gaf öllum nemendum í 1. Bekk endurskinsmerki þannig að allir eiga að sjást vel í myrkrinu. Mjög mikilvægt að við öllu gætum að því að hafa endurskinsmerki og sjást vel. Hvetjum við sem koma á bílum að aka varlega um hverfið og í kringum skólann.

Við ætlum að gera okkur dagamun og breyta frá hefðbundinni kennslu mánudag, þriðjudag og miðvikudag. Þessa þrjá daga verður kennsla frá 8:10-13:10 og frístundaheimili opnar kl. 13:10 alla dagana fyrir þá sem þar eiga pláss. Það verður síðan kennsla skv. stundaskrá fimmtudag og föstudag.

Á mánudaginn munum við setja vinavikuna á sal og hafa söngstund fyrir alla nemendur og starfsfólk.
Þriðjudag og miðvikudag ætlum við að hafa Fjölgreindarleika og þá er nemendum skipt í hópa og fer hópurinn á ýmsar stöðvar um allan skólann þessa tvo daga.

Fimmtudaginn og föstudaginn verður kennsla skv. stundaskrá en við endum vinavikuna með sameiginlegri morgunstund á föstudeginum kl. 8:10.

Við hlökkum til að eiga vinalega viku með nemendum og starfsfólki.

Barnabókahöfundarnir, Gunnar Helgason og Bergrún Íris Sævarsdóttir heimsóttu Áslandsskóla á dögunum og ýttu úr vör lestrarverkefninu LÆK. Verkefninu er ætlað að efla lestur og lesskilning nemenda í grunnskólum Hafnarfjarðar og munu þau skrifa alls 18 smásögur í samstarfi við kennara og nemendur á mið- og unglingastigi í níu grunnskólum Hafnarfjarðarbæjar.

Í kjölfar heimsóknarinnar sendu allir nemendur inn hugmynd að söguefni sem mátti vera eitt orð, nafn eða heilsteypt hugmynd auk þess að senda inn tillögur að nöfnum á sögupersónur.

Þann 18. september drógu höfundar svo hugmyndirnar úr potti hvers skóla og skólastigs. Hvor höfundur um sig réði fjölda dreginna hugmynda og hætti þegar hann taldi að nóg væri komið í heila sögu. Það verður því spennandi að sjá hvernig Bergdís hnoðar saman hugmyndum miðdeildar og Gunnar Helga hugmyndum unglingadeildar.

Mðvikudaginn 23. ágúst.

Skólaslit fyrir nemendur í 1. – 9.bekk eru fimmtudaginn 8.júní.
Útskrift 10.bekkur miðvikudaginn 7. Júní kl. 17:00

Nemendur í mið- og unglingadeild horfðu á myndina „Hvernig Titanic varð björgunarbáturinn minn“.

Fréttabréf Áslandskóla í mars 

Öskudagurinn í Áslandsskóla bauð uppá að vanda fjölbreytta flóru af alskyns kynjaverum, skrímslum og ofurhetjum. Unglingadeildin perlaði af krafti, mið- og yngrideild áttu notalega stund í heimastofu og komu svo á sal í leiki og dans sem var stjórnað af íþróttakennurum og Erlu Maríu sviðslistakennara. Nemendur luku skóladeginum með hamborgaraveislu og héldu full eftirvæntingar út í daginn í leit af sætindum hjá fyrirtækjum bæjarins.