Grunnskólahátíð
Miðvikudaginn 7. febrúar fer fram Grunnskólahátíð í Hafnarfirði.
Miðvikudaginn 7. febrúar fer fram Grunnskólahátíð í Hafnarfirði.
Sýndar verða leiksýningar frá öllum grunnskólunum í Gaflaraleikhúsinu kl. 10, kl. 12 og kl. 14.
Um kvöldið kl. 19:00-22:30 fer fram ball í íþróttahúsinu við Strandgötu.
Miðaverð á hátíðina er 2900 kr og miðasalan hefst miðvikudaginn 31. janúar og fer fram í félagsmiðstöðvunum í Hafnarfirði. Innifalið í miðaverði eru leiksýningar, ball og akstur.
Á ballinu koma fram DJ Ralfs, Wizardmanscligue, JóiPé og Króli, Sprite Zero Klan, Rjóminn, Ragga Hólm og sigurvegarar úr söngkeppni Hafnarfjarðar.
Rútur fara frá öllum skólum á ballið nema Lækjar- og Öldutúnsskóla - en unglingarnir þaðan koma sér sjálf á staðinn. Fatahengi verður á staðnum en ekki er borin ábyrgð á verðmætum og skópör verða ekki geymd í fatahenginu.
Við hvetjum við foreldra/forráðamenn að biðja unglinginn sinn að skilja ekki mikil verðmæti eftir í yfirhöfnum sínum og velja skóbúnað vel því ballið er langt.Allir nemendur fara svo í rútum heim sem byrja að keyra frá Strandgötunni kl. 22:30.
Frí er gefið í fyrstu tveimur tímum þann 8. febrúar fyrir nemendur í unglingadeild. Nemendur fá nánari upplýsingar í félagsmiðstöðinni sinni varðandi mætingu og fyrirkomulag.
Með fyrirfram þökk og von um góð viðbrögð
Deildarstjórar félagsmiðstöðva í Hafnarfirði
- Eldri færsla
- Nýrri færsla