Tölum saman - Samskipti foreldra og unglinga um kynlíf
Við minnum á sameiginlega fræðslu fyrir foreldra og unglinga í 7. – 10. bekk um kynlíf og kynhegðun sem haldin verður miðvikudaginn 8. febrúar í sal Áslandsskóla. Fræðslufundurinn stendur í einn og hálfan klukkutíma og er hann tvískiptur, þ.e.:
7. - 8. bekkur er frá kl. 18:00-19:30
9.-10. bekkur síðar sama kvöld frá kl. 20:00-21:30
Unglingsárin eru tími mikilla breytinga sem taka á félags-, líffræði- og tilfinningalegum þáttum.
Hvernig tekst þér sem foreldi að tala um alla þá þætti sem tengjast þessum miklu breytingum í lífi barnsins þíns?
Málefni er varða kynlíf og kynhegðun eru ofarlega í huga flestra unglinga og margir foreldrar vita ekki hvernig þeir eigi að snúa sér í þeirri umræðu.
Rannsóknir sýna að ef þessi málefni eru rædd þá byrja unglingar seinna að stunda kynlíf og þeir verða ábyrgari.
Á fræðslufundinum er boðið upp á sameiginlega fræðslu fyrir foreldra og unglinga um kynlíf og kynhegðun.
Fyrirlesarar eru:
Dagbjört Ásbjörnsdóttir, mannfræðingur, MA
Sigurlaug Hauksdóttir, félagsráðgjafi, MA
Guðbjörg Edda Hermannsdóttir, félagsráðgjafi, MA
- Eldri færsla
- Nýrri færsla