Örnámskeið: Uppeldisaðferðir foreldra og velferð barna og unglinga
Menntavísindasvið Háskóla Íslands býður upp á fjögur örnámskeið á miðvikudagskvöldum í september fyrir foreldra og forráðamenn. Námskeiðin fara fram í húsnæði Menntavísindasviðs við Stakkahlíð í stofu H-101 og stendur frá kl. 20.00-22.00.
{nl}Miðvikudaginn 7. september
Ræðum saman heima: Uppeldisaðferðir foreldra og velferð barna og unglinga
Dr. Sigrún Aðalbjarnardóttir prófessor heldur örnámskeið fyrir foreldra þar sem samskipti foreldra og barna verða í brennidepli. Áhersla verður lögð á vænlegar leiðir foreldra við að hlúa að margvíslegum þroska barna sinna; einnig velferð þeirra í tengslum við vímuefnaneyslu og námsgengi. Sérstaklega verður hugað að því hvernig vinna megi með ágreiningsmál. Umfjöllunina byggir Sigrún meðal annars á eigin rannsóknum.
Miðvikudaginn 14. september
Áhrif tónlistarnáms á heila
Miðvikudaginn 21. september
Börn og næring
Miðvikudaginn 28. september
Fjallað verður um sjálfbæra þróun og sjálfbærnimenntun í nýrri aðalnámskrá
Nánari upplýsingar má sjá á vefsíðu Heimili og skóla.
Heitt á könnunni og allir velkomnir.
- Eldri færsla
- Nýrri færsla